نہ حدیث مے کی تلاش ہے نہ غرض حکایت جام سے

نہ حدیث مے کی تلاش ہے نہ غرض حکایت جام سے

تیری اک نظر نے بچہ لیا مجھے گمرہی کے مقام سے

ہے اسی کا نام تو زندگی نئے سانحے نئے حادثے

وہ قفس نصیب قفس میں ہے جو چھٹے تھے حلقہ دام سے

تو نظام بزم حیات ہے تیری ذات جملہ صفات ہے

یہی کہہ رہے ہیں خواص بھی یہی سن رہا ہوں عوام سے

یہ میری سمجھ کا فتور ہے یہ میری نظر کا قصور ہے

وہی جشن ہے وہی نور ہے جو عیاں ہے ماہ تمام سے

میں ابھی مقام فناں میں ہوں میری موت ہے میری زندگی

میں پہنچ رہا ہوں مقام تک میں گزر رہا ہوں مقام سے

کہاں وہ جمال جہاں نما کہاں ایک ذرہ بے بصر

اسے کون نور سحر کہے نہ چھپے جو ظلمت شام سے

ترا عشق ہی میرا رہنما ترا عشق ہی میرا پیشوا

کسی مقتدی کی نظر ہوں میں جو لڑی ہوئی ہے امام سے

کوئی خم کے خم پئے ہوئے کوئی ایک جام کا منتظر

ترے رند پھر بھی ہیں مطمئن تیرے میکدے کے نظام سے