sirisht-e-dil se na-waqif mazaq-e-dil nahin samjha

sirisht-e-dil se nā-vāqif mazāq-e-dil nahīñ samjhā

vo kyā samjhā jo ġham ko ziist kā hāsil nahīñ samjhā

aañsū puurā bharosa hai tumhārī kārsāzī par

kisī mushkil ko maiñ ne aaj tak mushkil nahīñ samjhā

kabhī tauf-e-haram meñ the kabhī gird-e-sanam-ḳhāna

hamārī gumrahī dekho maqām-e-dil nahīñ samjhā

mohabbat jis ko dete haiñ use phir kuchh nahīñ dete

use sab kuchh diyā hai jis ko is qābil nahīñ samjhā

ye rāheñ iltifāt-e-rahbar-e-kāmil se khultī haiñ

abhī ye marhala gum-karda-e-manzil nahīñ samjhā

maze kī baat hai vo sab ko is qābil banātā hai

usī muḳhtār-e-kul ne mujh ko is qābil nahīñ samjhā

hamārā haal hai 'maḳhmūr' mustaqbil kā ā.īna

na samjhā haal ko jis ne vo mustaqbil nahīñ samjhā

sirisht-e-dil se na-waqif mazaq-e-dil nahin samjha

wo kya samjha jo gham ko zist ka hasil nahin samjha

aansu pura bharosa hai tumhaari karsazi par

kisi mushkil ko main ne aaj tak mushkil nahin samjha

kabhi tauf-e-haram mein the kabhi gird-e-sanam-KHana

hamari gumrahi dekho maqam-e-dil nahin samjha

mohabbat jis ko dete hain use phir kuchh nahin dete

use sab kuchh diya hai jis ko is qabil nahin samjha

ye rahen iltifat-e-rahbar-e-kaamil se khulti hain

abhi ye marhala gum-karda-e-manzil nahin samjha

maze ki baat hai wo sab ko is qabil banata hai

usi muKHtar-e-kul ne mujh ko is qabil nahin samjha

hamara haal hai 'maKHmur' mustaqbil ka aaina

na samjha haal ko jis ne wo mustaqbil nahin samjha