جو یاد کربلا ہے عابد کے آنسوؤں میں

جو یاد کربلا ہے عابد کے آنسوؤں میں

ہر قطرہ کہہ رہا ہے عابد کے آنسوؤں میں

اے عشق آئینہ ہے عابد کے آنسوؤں میں

غم تو پلا بڑھا ہے عابد کے آنسوؤں میں

کب غم کی انتہا ہے عابد کے آنسوؤں میں

اظہار ابتدا ہے عابد کے آنسوؤں میں

اک کرب بے ریا ہے عابد کے آنسوؤں میں

غم درد آشنا ہے عابد کے آنسوؤں میں

آنکھیں جمی ہوئی ہیں آلام کربلا پر

اور درد بہہ رہا ہے عابد کے آنسوؤں میں

پلکوں سے ڈھانپ لیجے یہ اشک ہو سکے تو

ہر شام بے ردا ہے عابد کے آنسوؤں میں

مردان حق فریدیؔ سجاد کے ہیں پیرو

فردیت صفا ہے عابد کے آنسوؤں میں