hai nam tera bais-e-ijad raqam ka

hai naam tirā bā’is-e-ījād raqam kā

mohtāj nahīñ vasf tirā lauh-o-qalam kā

madūr-e-bashar kab hai tirī hamd-sarā.ī

kyā qatra-e-nāchīz se ausāf ho yam kā

kyā jaane kahāñ jalva-numā tū hai ki yaañ tū

hai daaġh tirī yaas se dil dair-o-haram kā

dil saaf kar ālā.ish-e-duniyā se ki ye dil

ā.īna hai askandarī-o-jam hai jam kā

Tuk dīda-e-dil khol ke tū dekh ki raḳhshāñ

har zarra hādis meñ hai ḳhurshīd-e-qadam kā

is hastī-e-mauhūm pe ġhaflat meñ na kho 'umr

'bedār' ho āgāh bharosa nahīñ dum kā

hai nam tera ba’is-e-ijad raqam ka

mohtaj nahin wasf tera lauh-o-qalam ka

madur-e-bashar kab hai teri hamd-sarai

kya qatra-e-nachiz se ausaf ho yam ka

kya jaane kahan jalwa-numa tu hai ki yan tu

hai dagh teri yas se dil dair-o-haram ka

dil saf kar aalaish-e-duniya se ki ye dil

aaina hai askandari-o-jam hai jam ka

Tuk dida-e-dil khol ke tu dekh ki raKHshan

har zarra hadis mein hai KHurshid-e-qadam ka

is hasti-e-mauhum pe ghaflat mein na kho 'umr

'bedar' ho aagah bharosa nahin dum ka