وہ جلی ہے یا خفی ہے کیا بیان ہو زباں سے

وہ جلی ہے یا خفی ہے کیا بیان ہو زباں سے

اسے سوچنے سمجھنے کی بساط ہو کہاں سے

تری آرزو سے خالی ہے جو دل وہ بے سکوں ہے

تری آرزو ہے جس کو اسے بھی سکوں کہاں سے

وہی جب ترا ہے ہمدم یہی تیری بندگی ہے

بے نیاز رہ زمیں سے بے غرض ہو آسماں سے

سر نہاں ہے لیکن آ راز فاش کر دوں

جو نہ پا سکا ہے خود کو اسے پائے گا کہاں سے

ہر حد کے پار ہے وہ وہ حدوں میں بھی عیاں ہے

جو سما گیا نظر میں وہ خدا ہوا کہاں سے