مجھے یہ بتاؤ کہاں تم نہیں ہو
مجھے یہ بتاؤ کہاں تم نہیں ہو
وہاں کچھ نہیں ہے جہاں تم نہیں ہو
تباہی پہ اپنی تمہارا گلہ کیا
زمیں تم نہیں آسماں تم نہیں ہو
تمہیں کہہ کے پردہ نشیں کیوں پکاروں
عیاں ہی عیاں ہو نہاں تم نہیں ہو
محبت کے قصے میں ہیں کل بلائیں
پریشان وہم و گماں تم نہیں ہو
سنو یہ مقدر کا سارا کرم ہے
مرے حال پر مہرباں تم نہیں ہو
نگاہ بصیرت سے یہ رمز پوچھو
کہاں میں نہیں ہوں کہاں تم نہیں ہو
ہے بہزادؔ ہی کے مقدر میں رونا
ہے وہ نوحہ خواں نوحہ خواں تم نہیں ہو
مأخذ :
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
