نیرنگیاں تمہاری ہم کو ستا رہی ہیں

نیرنگیاں تمہاری ہم کو ستا رہی ہیں

پیاری تیری ادائیں دل کو لبھا رہی ہیں

تیر نگہ کا مارا کوئی نہ بچ سکے گا

کار خدنگ و ناوک آنکھیں دکھا رہی ہیں

یہ شور و شر تمہارا دل کو بہت ہے بھایا

جی میں یہ میرے آہیں دھومیں مچا رہی ہیں

ہم بے خودی میں اپنی جو کچھ کہہ رہے ہیں

یہ خود ادائیں تیری ہم کو سکھا رہی ہیں

دیکھو صفی نے مجھ کو ہے خادمیؔ عطا کی

دل میں مرے ادائیں اس کی سما رہی ہیں