مذاقِ جرأت و ہمت کو آزما نہ سکے

مذاقِ جرأت و ہمت کو آزما نہ سکے

ملائکہ بھی محبت کا بار اٹھا نہ سکے

نیاز و ناز کی حامل تھی زندگی اپنی

جبینِ دل کو تیرے در سے ہم اٹھا نہ سکے

گلوں نے شبنمی آنسوں تو پی لیے لیکن

جو آگ دل میں لگی تھی اسے بجھا نہ سکے

مجال ذوقِ سخن پھر کلیم کیا کرتے

کہ جب وہ سامنے آئے نظر ملا نہ سکے

نقاب روئے منور سے آپ اٹھائیں تو

وہ تھے کلیم جو جلوؤں کی تاب لا نہ سکے

زمانہ شاعرِ رنگین بیاں سمجھتا ہے

نگاہِ دوست میں نازاںؔ مگر سما نہ سکے