لہراتی ہے جب زلف جاناں بادل کو پسینہ آتا ہے

لہراتی ہے جب زلف جاناں بادل کو پسینہ آتا ہے

معلوم یہ ہوتا ہے جیسے ساون کا مہینہ آتا ہے

آغوش حیات و موت میں وہ سوتا ہے کبھی اٹھتا ہے کبھی

بیمار محبت کو تیرے مر مر کے جینا آتا ہے

کیا کام صراحی ساغر سے مستی سے غرض رہتی ہے اسے

جو دیکھتے تیری آنکھوں کو پینے کا قرینہ آتا ہے

وہ دیکھو لب ساحل آئے الطاف و کرم کی ہوگی نظر

اے ڈوبنے والو غم نہ کرو ساحل پہ سفینہ آتا ہے

اس رخ سے زلف میں ہٹتے ہی دم توڑتی ہیں کالی راتیں

جب چاند نکلتا ہے نازاںؔ تاروں کو پسینہ آتا ہے