صنم تیرے عشق میں اب ہوئی حاصل ہے رسوائی

صنم تیرے عشق میں اب ہوئی حاصل ہے رسوائی

کوئی کہتا ہے دیوانہ کوئی کہتا ہے سودائی

میرے دل میں تمنا تھی کہ دیکھوں گا رخ انور

جو پہنچا میں در دولت نہ صورت وہ نظر آئی

نہ دن کو چین ہے مجھ کو نہ شب کو نیند آتی ہے

ہوئی مدت مجھے ہائے نہ صورت تو نے دکھلائی

تڑپتا ہوں سسکتا ہوں نہ مرتا ہوں نہ جیتا ہوں

تری فرقت میں اے جاناں طبیعت میری گھبرائی

خزاں آئی ہے گلشن میں نیازؔ اب میں پریشاں ہوں

بجز تیرے نہیں بھاتی میرے دل کو یہ تنہائی