حنا دست دلبر لگائی ہوئی ہے

حنا دست دلبر لگائی ہوئی ہے

کسی کی قضا آج آئی ہوئی ہے

کریں گے وہ خوں آج عاشق کسی کا

کہ ماتھے پہ تیوری چڑھائی ہوئی ہے

شب وصل جھنجھلا کے مجھ کو ہیں کہتے

نہ چھیڑو مجھے نیند آئی ہوئی ہے

میں لیتا ہوں بوسہ وہ دیتے ہیں گالی

اسی بات پہ اب لڑائی ہوئی ہے

سنبھالو یہ انگیا میں جوبن کو پیارے

کوئی چیز اس میں چھپائی ہوئی ہے

نیازؔ اب کروں کس سے شکوہ صنم کا

کہ اس پہ تو شیدا خدائی ہوئی ہے