ذرا رخ سے پردہ اٹھا زلفوں والے

ذرا رخ سے پردہ اٹھا زلفوں والے

اپنے چاند سا منہ دکھا زلفوں والے

رقیبوں سے ملنا نہیں تم کو اچھا

نہ جلے ہوئے دل کو جلا زلفوں والے

شب و روز فرقت میں روتا ہوں تیری

ہوا جب سے تو ہے جدا زلفوں والے

لیا چھین دل کو نہ پھر حال پوچھا

ہوئی مجھ سے کیا ہے خطا زلفوں والے

محبت سے میں نے تجھے کل بلایا

تو مجھ سے ہوا کیوں خفا زلفوں والے

نیازؔ اب تمنا ہے دل سے یہ میری

گلے سے تو اپنے لگا زلفوں والے