نگاہ یار بد مستی میں بھی ہشیار کیسی ہے

نگاہ یار بد مستی میں بھی ہشیار کیسی ہے

میرا دل چھین لینے کے لیے تیار کیسی ہے

ادا سے پھیر کر خنجر گلے پر یوں لگے کہنے

شہید ناز بتلا دے کہ اس میں دھار کیسی ہے

جگر میں چھا گئی پہلو میں پہنچی دل میں جا اتری

غضب کی چلبلی چنچل نگاہ یار کیسی ہے

ابھی نکلا ہے دم ٹھہرو کسی سے مل تو لینے دو

ابھی سے لے کے چلنے کی یہ مارا مار کیسی ہے

ہمیں کو ذبح کرتے ہیں ہمیں سے پوچھتے ہیں یوں

ذرا صاحب بتا دینا مری تلوار کیسی ہے

قضا بھی صدقے ہوتی ہے نگاہ تیز قاتل کے

شہادت سر کٹانے کے لیے تیار کیسی ہے