نہ ستا در پہ پڑا رہنے دے کیا لیتے ہیں

نہ ستا در پہ پڑا رہنے دے کیا لیتے ہیں

آہ شہ حسن فقیروں کی دعا لیتے ہیں

میرے ہم راہی مجھے چھوڑ گئے یاں ورنہ

قافلہ والے تو سوتوں کو جگا لیتے ہیں

کوچۂ دوست میں رکھ پاؤں ادب سے عاقل

سرکش اس راہ میں گردن کو جھکا لیتے ہیں

شور و شر کرتے یہ ہیں ہستی دو روزہ پر

آسماں اہل زمیں سر پہ اٹھا لیتے ہیں

لب بہ لب رہتے ہیں جو شام و سحر دلبر سے

زندگانی کا وہی لوگ مزا لیتے ہیں

گرچہ درویش ہیں یہ لوگ مگر چاہیں تو

سلطنت مول ترے در کے گدا لیتے ہیں

جو گزر ہوتا ہے مدفن پہ حسینوں کے کبھی

واں کی ہم خاک کو آنکھوں سے لگا لیتے ہیں