dil buton par fida kiya maine

dil butoñ par fidā kiyā maiñ ne

baar ilāha ye kyā kiyā meñ nai

ḳhuuñ na thamnā thā aañkh se na thamā

'uqda-e-dil jo vā kiyā maiñ ne

dil ne dard-āshnā kiyā mujh ko

dil ko sabr-āzmā kiyā maiñ ne

ashk-e-ġham tere qatra-qatra ko

gauhar-e-mudda’ā kiyā meñ ne

mar gayā dil kī rah ga.iiñ dil meñ

zabt be-intihā kyā meñ ne

naza.a meñ aa ke chheḌ ye kaisī

ab to vā'da vafā kiyā meñ ne

ḳhār-e-gum dil se yuuñ nikal na sakā

resha resha judā kiyā meñ ne

mai-kada se chalā gayā masjid

are tauba ye kyā kiyā maiñ ne

sūrat-e-shabnam apne dil ko 'safī'

mast-e-zauq-e-fanā kiyā maiñ ne

dil buton par fida kiya main ne

bar ilaha ye kya kiya mein nai

KHun na thamna tha aankh se na thama

'uqda-e-dil jo wa kiya main ne

dil ne dard-ashna kiya mujh ko

dil ko sabr-azma kiya main ne

ashk-e-gham tere qatra-qatra ko

gauhar-e-mudda’a kiya mein ne

mar gaya dil ki rah gain dil mein

zabt be-intiha kya mein ne

naza mein aa ke chheD ye kaisi

ab to wa'da wafa kiya mein ne

KHar-e-gum dil se yun nikal na saka

resha resha juda kiya mein ne

mai-kada se chala gaya masjid

are tauba ye kya kiya main ne

surat-e-shabnam apne dil ko 'safi'

mast-e-zauq-e-fana kiya main ne