دیکھا نہیں ہے آج تک اور جانتے ہیں ہم

دیکھا نہیں ہے آج تک اور جانتے ہیں ہم

اے حسن تجھ کو اپنا خدا مانتے ہیں ہم

بے شبہ ذرے ذرے میں پنہاں ہے تیرا حسن

در در کی خاک یوں ہی نہیں چھانتے ہیں ہم

خالی ہیں جام رندوں کے اور تو ہے بے نیاز

ساقی ترے خلوص کو پہچانتے ہیں ہم

اے ساقیٔ ذی وقار نہ بزدل سمجھ ہمیں

کر ڈالتے ہیں جی میں جو کچھ ٹھانتے ہیں ہم

چشم وفات میں یہ بھی محبت کی ہے ادا

کب ان کی بے رخی کا برا مانتے ہیں ہم

ساغرؔ یہ ایک طرز ہے اچھی ہو یا بری