ہو نہ شکار بے لذت غم اٹھائے جا

ہو نہ شکار بے لذت غم اٹھائے جا

دل نہ بنا نہیں سہی درد کو دل بنائے جا

وہ بھی عطائے دوست ہے یہ بھی اسی کی دین ہے

عیش میں قہقہے لگا طیش میں مسکرائے جا

دست طلب نہیں رسا دست کرم تو ہے دراز

مل ہی رہے گا کچھ نہ کچھ ہاتھ یونہی بڑھائے جا

سارے جہاں کے فلسفے ہیچ ہیں اس کے سامنے

عشق کا امتحاں نہ لے عقل کو آزمائے جا

عام جہاں میں وارثیؔ ہو نہ مذاق آگہی

راز نیاز عاشقی فاش نہ کر چھپائے جا