شب غم کی سحر نہیں ہوتی

شب غم کی سحر نہیں ہوتی

ہو بھی تو میرے گھر نہیں ہوتی

زندگی تو ہی مختصر ہو جا

شب غم مختصر نہیں ہوتی

لذت انتظار لیتا ہوں

یوں شب غم گزار لیتا ہوں

جب بھی ڈستی ہے مجھ کو تنہائی

نام تیرا پکار لیتا ہوں

کیا میری بات کا یقین نہیں

کوئی بھی آپ سے حسین نہیں

بے جھجک دل میں تم چلے آؤ

اس مکاں میں کوئی مکین نہیں

آپ آئیں غریب خانے میں

سچ تو یہ ہے مجھے یقین نہیں

آپ کے روئے یاسمیں کی قسم

چاند بھی اس قدر حسین نہیں