ہو کا نشہ روم روم کے اندر اندر جھوم رہا ہے اور قلندر جھوم رہا ہے

ہو کا نشہ روم روم کے اندر اندر جھوم رہا ہے اور قلندر جھوم رہا ہے

کالا برہا جوڑا پہنے ایک کا اک گھر جھوم رہا ہے اور قلندر جھوم رہا ہے

عشق نگر میں دھوم مچی ہے نفس کی جاں پر آن پڑی ہے درد کی رسی ٹوٹ گئی ہے

عقل قفس سے باہر آ کر ہوش کبوتر جھوم رہا ہے اور قلندر جھوم رہا ہے

عرش کے پائے فرش پہ آئے آس پڑی ہے منہ بچکائے سب کے سب ہیں گھبرائے

من مندر کے اندر بیٹھا داس بنا ڈر جھوم رہا ہے اور قلندر جھوم رہا ہے

دفتر اسیاں کھلنے لگا ہے جن جن میں کہرام مچا ہے حشر بپا ہے حشر بپا ہے

مژدہ دید وحدت پا کر سارا منظر جھوم رہا ہے اور قلندر جھوم رہا ہے

کشتیٔ ہستی ڈوب رہی ہے وجد و عدم کی وصل گھڑی ہے شادابیؔ حیرت میں پڑی ہے

موج اٹھاتا شور مچاتا شوق سمندر جھوم رہا ہے اور قلندر جھوم رہا ہے