اس بات پہ کیوں ناراض بھلا سرکار ہمارے ہوتے ہیں

اس بات پہ کیوں ناراض بھلا سرکار ہمارے ہوتے ہیں

ہوتا ہے جہاں پر چاند وہاں دو چار ستارے ہوتے ہیں

کرتا ہوں تلاوت میں ان کی یہ عشق کے فرض میں داخل ہے

سنتا ہوں حسینوں کے چہرے تو چاند سے پیارے ہوتے ہیں

خود پاس تو وہ آتے ہی نہیں تسکین مگر دیتے ہیں یوں

رومال ہلائے جاتے ہیں چلمن سے اشارے ہوتے ہیں

ہم رنگ اگر پیتے ہیں تو کیا اس کالی گھٹا کے موسم میں

واعظ بھی تو اپنی توبہ کو شیشے میں اتارے ہوتے ہیں

مانگو نہ کسی انساں سے کبھی انساں تو ہے خود محتاج خدا

بنتی ہے انہیں کی بگڑی جو اللہ کے سہارے ہوتے ہیں

ملاح کے بل پر کشتی کو مت چھوڑ وہ دھوکا دے دے گا

جو قوت بازو رکھتے ہیں وہ لوگ کنارے ہوتے ہیں

پھیلاتے نہیں دامان طلب کنگی پریشانیاں میں ہوں

تابشؔ خودار انسانوں کے ایسے بھی گزارے ہوتے ہیں