برگشتہ و بدظن سا پاتے ہیں خدا حافظ

برگشتہ و بدظن سا پاتے ہیں خدا حافظ

اب ہم تری محفل سے جاتے ہیں خدا حافظ

طالب ہیں معافی کے گر بھول ہوئی ہو کچھ

آئے تھے سلامی کو جاتے ہیں خدا حافظ

دل ہم کو لٹانا تھا دل ہم نے لٹایا ہے

یہ فرض ہوا پورا جاتے ہیں خدا حافظ

قسمت میں اگر ہوگا پھر تم سے ملیں گے ہم

اس وقت تو مجبوراً جاتے ہیں خدا حافظ

اچھا تو میاں تابشؔ رخصت کی اجازت دو

اک کام سے جانا ہے جاتے ہیں خدا حافظ