میں ہی نور نبوت انبیا ہوں

میں ہی نور نبوت انبیا ہوں

میں ہی زور ولایت اولیا ہوں

پرستش ہے مری دیر و حرم میں

میں شیخ و برہمن کا مدعا ہوں

ظہور ہستی مطلق میں اپنی

میں ہی خودبیں ہوں میں خود نما ہوں

کوئی کہتا ہے ظاہر کوئی باطن

یہ ظن محض ہے میں لا پتا ہوں

کٹا منصور کا سر جس کے پیچھے

وہی تو میں انا الحق کی صدا ہوں

تمہیں حاصل نہیں چشم حقیقت

وگرنہ میں ہی گنج مخفیا ہوں

حیا ہوں میں حسینان جہاں کی

مریض عشق کی میں ہی دوا ہوں