ان کا ہی تصور ہے محفل ہو کہ تنہائی

ان کا ہی تصور ہے محفل ہو کہ تنہائی

سمجھے کوئی دیوانہ جانے کوئی سودائی

نغموں کا بھرم ٹوٹا مے خانے کا در چھوٹا

جب ساز چھڑا کوئی آواز تیری آئی

تو آئے تجھے دیکھوں اور جاں سے گزر جاؤں

اس آس پہ زندہ ہے اب تک تیرا شیدائی

الزام ہر اک ہنس کے ہم نے سہا بیگانہ

ہونے نہ دی چاہت کی ہم نے کبھی رسوائی

پہلے سے مراسم تو باقی نہ رہے پھر بھی

جب زخم لگا کوئی کیوں یاد تیری آئی

اس شہر کا مے خانہ دنیا سے نرالا تھا

ساقی بھی تھا ہرجائی مے خانہ بھی ہرجائی