تصویر صنم جس دل میں ہے اس دل کا سمجھنا مشکل ہے

تصویر صنم جس دل میں ہے اس دل کا سمجھنا مشکل ہے

تحریم حرم تو آساں ہے تحریم کلیسا مشکل ہے

یوں لاکھ جھٹکایا سر تو کیا یوں لاکھ کیے سجدے تو کیا

جو سجدہ خدا کا منشا ہے اے شیخ وہ سجدہ مشکل ہے

ناکامیٔ الفت کا قصہ رو رو کے یہاں کرنا ہے جنوں

وہ کام ہی کیوں انسان کرے جس کام کا بننا مشکل ہے

عرفان جنوں تو حاصل ہے عرفان نظر سے ہیں عاجز

کس طرح کسی کو ہم سمجھیں خود اپنا سمجھنا مشکل ہے

تھا حسن ازل پردے میں نہاں ہے حسن ازل پردے میں نہاں

اس وقت بھی جلوہ مشکل تھا اس وقت بھی جلوہ مشکل ہے

جب تک نہ ہو سودا الفت کا جب تک نہ ہو سر میں جوش جنوں

نظروں سے محبت میں ہمدم پیمائش صحرا مشکل ہے