مجھ کو بتا اے قاضیا کیسا تمہارا کام ہے

مجھ کو بتا اے قاضیا کیسا تمہارا کام ہے

تجھ کو کتابوں کی خوشی میرے لیے ماتام ہے

عاشق جلا دے آگ میں سارے کتابوں کے ورق

اک نام میرا یاد کر یہ دوست کا پیغام ہے

مجھ کو تو مارا ہجر نے کہتا ہے تو آ پڑھ کتاب

گھر مرے اس محبوب کی آمد کا آج انجام ہے

کیوں سہو کا سجدہ کرے وہ عشق ہے جس کا امام

دم بھر بھلایا دوست کو نہ عاشقوں کا کام ہے

کیا نیک نامی ہے تری اس عشق میں اے بے بحر

تیری جماعت میں ترا برہا بہت بدنام ہے

آخر یہ مطلب پا لیا مرشد نے جو ہم سے کہا

بن عشق دلبر کے سچلؔ کیا کفر کیا اسلام ہے