مجھ میں ہر رنگ اب تمہارا ہے

منزل ملی مراد ملی مدعا ملا

سب کچھ مجھے ملا جو تیرا نقش پا ملا

جب دور تک نہ کوئی فقیر آشنا ملا

تیرا نیاز مند تیرے در سے جا ملا

مجھ میں ہر رنگ اب تمہارا ہے

اب تو کہہ دو کہ تو ہمارا ہے

عالم شوق میں نہ جانے کیوں

میں نے ہر دم تمہیں پکارا ہے

تو تو سب ہی کے پاس ہے موجود

کون کہتا ہے تو ہمارا ہے

تیرے صدقے میں یہ تمام جہاں

اپنی ٹھوکر پہ میں نے مارا ہے

راز کو راز کیوں سمجھتے ہو

راز دنیا کا آشکارا ہے