چوری کھل جائے ابھی سر کو اٹھائیں کیوں کر

چوری کھل جائے ابھی سر کو اٹھائیں کیوں کر

دل لیے بیٹھے ہیں وہ آنکھ ملائیں کیوں کر

حیلہ ہے ناز و نزاکت سے وہ آئیں کیوں کر

ضعف چلنے نہیں دیتا ہمیں جائیں کیوں کر

ہم پر اے دل جو تقاضا ہے تیرا تو ہی بتا

وہ تو روٹھے ہوئے بیٹھے ہیں منائیں کیوں کر

قدرتی نشوونما بھی کہیں مٹ سکتی ہے

چھپ نہیں سکتا ہے سینہ وہ چھپائیں کیوں کر

یہ بھی دن یاد رہے یاد کرو گے اک دن

غیر کہہ دیں گے تیرا ناز اٹھائیں کیوں کر