jagata hun behosh ko hushyar hone do
jagātā huuñ behosh ko hushyār hone do
zarā ai zā.iro Thahro mujhe tayyār hone do
hamārā shauq-e-dil le jā.egā ham ko madīna tak
jo dushman ho rahā hai charḳh-e-kaj-raftār hone do
ye dekheñ shab ki shaidā-e-mohammad aise hote haiñ
mujhe bhī yā mohammad hāzir-e-darbār hone do
madīna ko chalā yā mar gayā yahāñ kuchh to hovegā
agar hai shauq-e-dil aur zo’f meñ takrār hone do
dikhā dūñgā pahuñchte haiñ dar-e-maqsad pe yuuñ 'āshiq
zarā paañv meñ yaaro tāqat-e-raftār hone do
jamā luuñ naqsha-e-tasvīr-e-ahmad apnī āñkhoñ meñ
agar rone se fursat dīda-e-jot-bār hone do
jagata hun behosh ko hushyar hone do
zara ai zairo Thahro mujhe tayyar hone do
hamara shauq-e-dil le jaega hum ko madina tak
jo dushman ho raha hai charKH-e-kaj-raftar hone do
ye dekhen shab ki shaida-e-mohammad aise hote hain
mujhe bhi ya mohammad hazir-e-darbar hone do
madina ko chala ya mar gaya yahan kuchh to howega
agar hai shauq-e-dil aur zo’f mein takrar hone do
dikha dunga pahunchte hain dar-e-maqsad pe yun 'ashiq
zara panw mein yaro taqat-e-raftar hone do
jama lun naqsha-e-taswir-e-ahmad apni aankhon mein
agar rone se fursat dida-e-jot-bar hone do
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
