daur mein saghar rahe gardish mein paimana rahe

daur meñ sāġhar rahe gardish meñ paimāna rahe

mai-kashoñ ke sar pe yā rab pīr-e-mai-ḳhāna rahe

jis pe paḌ jāvai nazar terī vo dīvāna rahe

haañ nigāh-e-yār tarz-e-be-hijābāna rahe

kyā isī ko kahte haiñ rasm-e-vafādārī sanam

dushmanī ham se rahe ġhairoñ se yārāna rahe

phir na pūchheñge mujhe vo qabr meñ munkir-nakīr

marte dam yā-rab ḳhayāl-e-rū-e-jānāna rahe

aise saaqī ke meñ sadqa jo pilā.e bhar ke jaam

sāqiyā har dam salāmat terā mai-ḳhāna rahe

daur mein saghar rahe gardish mein paimana rahe

mai-kashon ke sar pe ya rab pir-e-mai-KHana rahe

jis pe paD jawai nazar teri wo diwana rahe

han nigah-e-yar tarz-e-be-hijabana rahe

kya isi ko kahte hain rasm-e-wafadari sanam

dushmani hum se rahe ghairon se yarana rahe

phir na puchhenge mujhe wo qabr mein munkir-nakir

marte dam ya-rab KHayal-e-ru-e-jaanana rahe

aise saqi ke mein sadqa jo pilae bhar ke jam

saqiya har dam salamat tera mai-KHana rahe