دور میں ساغر رہے گردش میں پیمانہ رہے

دور میں ساغر رہے گردش میں پیمانہ رہے

مے کشوں کے سر پہ یا رب پیر مے خانہ رہے

جس پہ پڑ جاوے نظر تیری وہ دیوانہ رہے

ہاں نگاہ یار طرز بے حجابانہ رہے

کیا اسی کو کہتے ہیں رسم وفاداری صنم

دشمنی ہم سے رہے غیروں سے یارانہ رہے

پھر نہ پوچھیں گے مجھے وہ قبر میں منکر نکیر

مرتے دم یارب خیال روئے جانانہ رہے

ایسے ساقی کے میں صدقہ جو پلائے بھر کے جام

ساقیا ہر دم سلامت تیرا مے خانہ رہے