suna hai aaj wo chitwan badal kar ban ke baiThe hain

sunā hai aaj vo chitvan badal kar ban ke baiThe haiñ

qayāmat sar par aa pahuñchī jo vo ban-Than ke baiThe haiñ

sitam un kā nayā joban ġhazab un kā vo bholā-pan

'ajab saj-dhaj se baiThe haiñ magar but ban ke baiThe haiñ

jo pūchhe gar koī mujh se kahāñ haiñ jis pe marte ho

to kah duuñ dekh lo pahlū meñ vo dushman ke baiThe haiñ

udhar vo qatl par sargarm idhar marne ko ham tayyār

agar vo ban ke baiThe haiñ to ham bhī Than ke baiThe haiñ

'muzaffar' hī nahīñ tanhā tire maqtal meñ o qātil

yahāñ gardan kaTāne ko hazāroñ tan ke baiThe haiñ

suna hai aaj wo chitwan badal kar ban ke baiThe hain

qayamat sar par aa pahunchi jo wo ban-Than ke baiThe hain

sitam un ka naya joban ghazab un ka wo bhola-pan

'ajab saj-dhaj se baiThe hain magar but ban ke baiThe hain

jo puchhe gar koi mujh se kahan hain jis pe marte ho

to kah dun dekh lo pahlu mein wo dushman ke baiThe hain

udhar wo qatl par sargarm idhar marne ko hum tayyar

agar wo ban ke baiThe hain to hum bhi Than ke baiThe hain

'muzaffar' hi nahin tanha tere maqtal mein o qatil

yahan gardan kaTane ko hazaron tan ke baiThe hain