dehli to dulhan bani dulha nizamuddin

āftāb-e-risālat madīna meñ haiñ

dehlī to dulhan banī dūlhā nizāmuddīn

saare hind ke bādshāh ḳhvāja mu'īnuddīn

sabz-gumbad kā manzar hai pesh-e-nazar

yaad taiba kī aatī hai ajmer meñ

āftāb-e-risālat madīna meñ haiñ

aur kiran jagmagātī hai ajmer meñ

mere ḳhvāja kā nūrānī gumbad

chāñdnī meñ nahāyā huā hai

sāda-sāda sā rauza kā manzar

har nazar meñ samāyā huā hai

nām-e-kHvāja meñ aisī kashish hai

ik zamāne meñ chhāyā huā hai

bhar lī us ne murādoñ kī jholī

jis pe dāman kā saaya huā hai

aap kī samt uThtī hai jo bhī nazar

mudda'ā apnā paatī hai ajmer meñ

aap sultān-e-hind kHvāja-e-kHvājgān

aap be-shak haiñ sab ke liye mehrbāñ

roz bante haiñ bigḌe muqaddar yahāñ

chashma-e-faiz hai aap kā āstāñ

dar pe aa.eñ na dīvāne kyuuñ sar ke bal

jab 'aqīdat bulātī hai ajmer meñ

dar pe ek bāñjh 'aurat ne kī iltijā

mere aulād ho jaaye to bā-ḳhudā

ḳhvāja bachche ko chaukhaT pe lā.ūñgī maiñ

deg ajmer aa kar chaḌhā.ūñgī maiñ

rab se ḳhvāja as ke liye kī du'ā

ho gayā puurā us kā jo ye mudda'ā

le ke bachche ko aa.ī vo ajmer meñ

hādisa us pe guzrā ye kuchh der meñ

saath us ke sahelī thī aa.ī huī

jab chaḌhī deg to paas thī vo khaḌī

god meñ us ke bachcha thā hañstā huā

deg meñ god se vo uchhal kar girā

ro paḌī kah ke vo haaye bachcha merā

rakhiyo laaj dukhiyā kī ḳhvāja piyā

sāhib jī sultān jī tum baḌe ġharīb-navāz

apnī kar ke rakhiyo so bāheñ pakḌegī laaj

shabbīr-o-shabar ke liye mā’sūm-e-asġhar ke liye

sajde meñ sar kaT gayā us sar ke liye

mohammad par jo utrā hai usī qur.ān kā sadqa

apne pīr-o-murshid kHvāja-e-’usmān kā sadqa

ḳhvāja jī un chūḌiyoñ kī laaj piyā rakhnā

ye to pahan liiñ ab na utartī

morā bhaag suhāg tumhīñ se hai

jo duāoñ se ḳhvāja kī paidā huā

deg us ko jalātī bhalā kis tarah

aaj us par na aa.ī ḳhudā kī qasam

rakh liyā mere ḳhvāja ne us kā bharam

mere ḳhvāja kī adnā karāmat hai ye

jo nazar roz aatī hai ajmer meñ

chashm-e-rahmat se jis dam ishāra huā

Dūbtī kashtiyoñ ko kināra milā

aap ne bekasoñ ko sahārā diyā

chashm-e-nūr ko bhī nazāra diyā

bhūke pyāsoñ pe aisī nigāh-e-karam

roz jaarī hai lañgar ḳhudā kī qasam

kyuuñ na mahke bhalā faiz kā gul-sitāñ

ḳhushbū taiba se aatī hai ajmer meñ

aaftab-e-risalat madina mein hain

dehli to dulhan bani dulha nizamuddin

sare hind ke baadshah KHwaja mu'inuddin

sabz-gumbad ka manzar hai pesh-e-nazar

yaad taiba ki aati hai ajmer mein

aaftab-e-risalat madina mein hain

aur kiran jagmagati hai ajmer mein

mere KHwaja ka nurani gumbad

chandni mein nahaya hua hai

sada-sada sa rauza ka manzar

har nazar mein samaya hua hai

nam-e-kHwaja mein aisi kashish hai

ek zamane mein chhaya hua hai

bhar li us ne muradon ki jholi

jis pe daman ka saya hua hai

aap ki samt uThti hai jo bhi nazar

mudda'a apna pati hai ajmer mein

aap sultan-e-hind kHwaja-e-kHwajgan

aap be-shak hain sab ke liye mehrban

roz bante hain bigDe muqaddar yahan

chashma-e-faiz hai aap ka aastan

dar pe aaen na diwane kyun sar ke bal

jab 'aqidat bulati hai ajmer mein

dar pe ek banjh 'aurat ne ki iltija

mere aulad ho jaye to ba-KHuda

KHwaja bachche ko chaukhaT pe laungi main

deg ajmer aa kar chaDhaungi main

rab se KHwaja as ke liye ki du'a

ho gaya pura us ka jo ye mudda'a

le ke bachche ko aai wo ajmer mein

hadisa us pe guzra ye kuchh der mein

sath us ke saheli thi aai hui

jab chaDhi deg to pas thi wo khaDi

god mein us ke bachcha tha hansta hua

deg mein god se wo uchhal kar gira

ro paDi kah ke wo haye bachcha mera

rakhiyo laj dukhiya ki KHwaja piya

sahib ji sultan ji tum baDe gharib-nawaz

apni kar ke rakhiyo so bahen pakDegi laj

shabbir-o-shabar ke liye ma’sum-e-asghar ke liye

sajde mein sar kaT gaya us sar ke liye

mohammad par jo utra hai usi quran ka sadqa

apne pir-o-murshid kHwaja-e-’usman ka sadqa

KHwaja ji un chuDiyon ki laj piya rakhna

ye to pahan lin ab na utarti

mora bhag suhag tumhin se hai

jo duaon se KHwaja ki paida hua

deg us ko jalati bhala kis tarah

aaj us par na aai KHuda ki qasam

rakh liya mere KHwaja ne us ka bharam

mere KHwaja ki adna karamat hai ye

jo nazar roz aati hai ajmer mein

chashm-e-rahmat se jis dam ishaara hua

Dubti kashtiyon ko kinara mila

aap ne bekason ko sahaara diya

chashm-e-nur ko bhi nazara diya

bhuke pyason pe aisi nigah-e-karam

roz jari hai langar KHuda ki qasam

kyun na mahke bhala faiz ka gul-sitan

KHushbu taiba se aati hai ajmer mein