دہلی تو دلہن بنی دولہا نظام الدین

آفتاب رسالت مدینہ میں ہیں

دہلی تو دلہن بنی دولہا نظام الدین

سارے ہند کے بادشاہ خواجہ معین الدین

سبز گنبد کا منظر ہے پیش نظر

یاد طیبہ کی آتی ہے اجمیر میں

آفتاب رسالت مدینہ میں ہیں

اور کرن جگمگاتی ہے اجمیر میں

میرے خواجہ کا نورانی گنبد

چاندنی میں نہایا ہوا ہے

سادہ سادہ سا روضہ کا منظر

ہر نظر میں سمایا ہوا ہے

نام خواجہ میں ایسی کشش ہے

اک زمانے میں چھایا ہوا ہے

بھر لی اس نے مرادوں کی جھولی

جس پہ دامن کا سایہ ہوا ہے

آپ کی سمت اٹھتی ہے جو بھی نظر

مدعا اپنا پاتی ہے اجمیر میں

آپ سلطان ہند خواجۂ خواجگان

آپ بے شک ہیں سب کے لئے مہرباں

روز بنتے ہیں بگڑے مقدر یہاں

چشمۂ فیض ہے آپ کا آستاں

در پہ آئیں نہ دیوانے کیوں سر کے بل

جب عقیدت بلاتی ہے اجمیر میں

در پہ ایک بانجھ عورت نے کی التجا

میرے اولاد ہو جائے تو با خدا

خواجہ بچے کو چوکھٹ پہ لاؤں گی میں

دیگ اجمیر آ کر چڑھاؤں گی میں

رب سے خواجہ اس کے لئے کی دعا

ہو گیا پورا اس کا جو یہ مدعا

لے کے بچے کو آئی وہ اجمیر میں

حادثہ اس پہ گزرا یہ کچھ دیر میں

ساتھ اس کے سہیلی تھی آئی ہوئی

جب چڑھی دیگ تو پاس تھی وہ کھڑی

گود میں اس کے بچہ تھا ہنستا ہوا

دیگ میں گود سے وہ اچھل کر گرا

رو پڑی کہہ کے وہ ہائے بچہ میرا

رکھیو لاج دکھیا کی خواجہ پیا

صاحب جی سلطان جی تم بڑے غریب نواز

اپنی کر کے رکھیو سو باہیں پکڑے گی لاج

شبیر و شبر کے لئے معصوم اصغر کے لئے

سجدے میں سر کٹ گیا اس سر کے لئے

محمد پر جو اترا ہے اسی قرآن کا صدقہ

اپنے پیر و مرشد خواجۂ عثمان کا صدقہ

خواجہ جی ان چوڑیوں کی لاج پیا رکھنا

یہ تو پہن لیں اب نہ اترتی

مورا بھاگ سہاگ تمہیں سے ہے

جو دعاؤں سے خواجہ کی پیدا ہوا

دیگ اس کو جلاتی بھلا کس طرح

آج اس پر نہ آئی خدا کی قسم

رکھ لیا میرے خواجہ نے اس کا بھرم

میرے خواجہ کی ادنیٰ کرامت ہے یہ

جو نظر روز آتی ہے اجمیر میں

چشم رحمت سے جس دم اشارہ ہوا

ڈوبتی کشتیوں کو کنارہ ملا

آپ نے بیکسوں کو سہارا دیا

چشم نور کو بھی نظارہ دیا

بھوکے پیاسوں پہ ایسی نگاہ کرم

روز جاری ہے لنگر خدا کی قسم

کیوں نہ مہکے بھلا فیض کا گلستاں

خوشبو طیبہ سے آتی ہے اجمیر میں