اے جان میری آنکھوں پر یہ بار نظری کیوں ہے

اے جان میری آنکھوں پر یہ بار نظری کیوں ہے

تم بام پہ آئے ہو یہ جلوہ گری کیوں ہے

جس نے تمہیں دیکھا ہے ہوش اس کے بجا کب ہیں

چتون تری او ظالم جادہ سے بھری کیوں ہے

اسرار نہفتہ کا کچھ بھید نہیں کھلتا

یہ آہ شب فرقت حسرت سے بھری کیوں ہے

پوچھا نہ کبھی تو نے حال شب تنہائی

او کافر دیں مجھ سے یہ بے خبری کیوں ہے

اے چشم شب غم بیں کچھ صبر بھی لازم لازم

طوفان بپا ہوگا یہ نوحہ گری کیوں ہے

میں دھیان میں کس بت کے بھولا ہوں دو عالم کو

دل محو تماشا ہے یہ درد سری کیوں ہے