بزم عشاق میں کیا جانے کدھر دیکھیں گے

بزم عشاق میں کیا جانے کدھر دیکھیں گے

دل یہ دیتا ہے گواہی کہ ادھر دیکھیں گے

کم سنی ہے ضدیں بھی ہیں نرالی ان کی

اس پہ مچلے ہیں کہ ہم درد جگر دیکھیں گے

ایک دل ایک جگر لایا تھا دونوں چھینے

اب میرے پاس رہا کیا جو ادھر دیکھیں گے

مجھ میں اور شمع میں ہوتی تھی شب ہجر یہ بات

آج کی رات بچیں گے تو سحر دیکھیں گے

لوگ سمجھاتے ہیں بے کار فصاحت مجھ کو

ترک کر دیں گے جو الفت تو ضرر دیکھیں گے