ہے بدن میں زخم ہزار ہا وہ ہے کون جا گہہ جہاں نہیں

ہے بدن میں زخم ہزار ہا وہ ہے کون جا گہہ جہاں نہیں

مرے دردِ دل کو نہ پوچھیے کہ کہاں کہاں ہے کہاں نہیں

یہ الم یہ صدمہ یہ رنج و غم ولے لب پہ آہ و فغاں نہیں

وہ وہاں ہوں جس میں زباں نہیں وہ زباں ہوں جس میں بیاں نہیں

دل و جان و جسم و جگر سبھی تپ غم سے جل گئے دفعتاً

نہ کھلا کہ آگ کہاں لگی کسی جا سے اٹھتا دھواں نہیں

کھلے گل کی طرح سے داغ ہیں مرے جسم زار و نزار پر

وہ بہار ہوں جو سدا ہے وہ چمن ہوں جس میں خزاں نہیں

رہ عشق میں جو گذر گیا تو کھلا یہ بسملِ زار پر

وہ زبان جس میں نہ سُود ہے وہ ہوں سود جس میں زباں نہیں