hai badan mein zaKHm hazar-ha wo hai kaun jagah jahan nahin

hai badan meñ zaḳhm hazār-hā vo hai kaun jāgah jahāñ nahīñ

mire dard-e-dil ko na pochhiye ki kahāñ kahāñ hai kahāñ nahīñ

ye alam ye sadma ye ranj-o-ġham vale lab pa āh-o-fuġhāñ nahīñ

vo vahāñ hoñ jis meñ zabāñ nahīñ vo zabāñ hoñ jis meñ bayāñ nahīñ

dil-o-jān-o-jism-o-jigar sabhī tap-e-ġham se jal ga.e daf'atan

na khulā ki aag kahāñ lagī kisī jā se uThtā dhuāñ nahīñ

khile gul kī tarah se daaġh haiñ mire jism-e-zār-o-nazār par

vo bahār huuñ jo sadā hai vo chaman huuñ jis meñ ḳhizāñ nahīñ

rah-e-'ishq meñ jo guzar gayā to khulā ye bismil-e-zār par

vo zabān jis meñ na suud hai vo huuñ suud jis meñ zabāñ nahīñ

hai badan mein zaKHm hazar-ha wo hai kaun jagah jahan nahin

mere dard-e-dil ko na pochhiye ki kahan kahan hai kahan nahin

ye alam ye sadma ye ranj-o-gham wale lab pa aah-o-fughan nahin

wo wahan hon jis mein zaban nahin wo zaban hon jis mein bayan nahin

dil-o-jaan-o-jism-o-jigar sabhi tap-e-gham se jal gae daf'atan

na khula ki aag kahan lagi kisi ja se uThta dhuan nahin

khile gul ki tarah se dagh hain mere jism-e-zar-o-nazar par

wo bahaar hun jo sada hai wo chaman hun jis mein KHizan nahin

rah-e-'ishq mein jo guzar gaya to khula ye bismil-e-zar par

wo zaban jis mein na sud hai wo hun sud jis mein zaban nahin