دل تو تجھ پہ فدا اے جان کیے بیٹھے ہیں

دل تو تجھ پہ فدا اے جان کیے بیٹھے ہیں

جام ہم شوق شہادت کا پئے بیٹھے ہیں

کوئی مر جائے تو ان کو نہیں پروا صاحب

وہ تو پہلو میں رقیبوں کو لئے بیٹھے ہیں

یہ محبت ہے تری ناز رقیبوں کے سہوں

دل تو جلتا ہے مگر صبر کئے بیٹھے ہیں

قبر میں ہوگا نہ آرام کسی پہلو سے

دل جو ہمدرد تھا وہ تجھ کو دئے بیٹھے ہیں

رحم کھا حال پہ ظاہرؔ کے برائے یثرب

جان و دل تجھ پہ وہ قربان کئے بیٹھے ہیں