roti chhoD ke birhan ko tum kaun se des sidhaar gae

rotī chhoḌ ke birhan ko tum kaun se des sidhār ga.e

takte takte raah tumhārī nain hamāre haar ga.e

Duub gayā har ek kinārā birahā ke añdhiyāroñ meñ

biich bhañvar meñ chhoḌ ke nayyā tum kit khevan-hār ga.e

man se man kā saudā kar ke jīvan kā sukh chhīn liyā

tum jhūTe saudā gar nikle jhūTā kar bevpār ga.e

palkoñ par jal diip jalā kar nain bichhe haiñ rāhoñ meñ

aa jaao pardesī bālam tum jiite ham haar ga.e

nain milā.e the to rakhte laaj bhī nain milāne kī

nain churā kar kyuuñ birhan ke tiir kaleje maar ga.e

maañg mirī sindūr ko tarse naināñ tarseñ kājal ko

ruuTh ke mujh se sañg tumhāre saare haar siñgār ga.e

sāhil se Takrā-Takrā kar nayyā apnī Duub ga.ī

manzil pā kar manzil khoī jiit ke baazī haar ga.e

naināñ jaadū Daar ke kis ke ruup ne tum ko bharmāyā

kis bairan ke bas meñ aa.e kis sautan ke dvaar ga.e

roti chhoD ke birhan ko tum kaun se des sidhaar gae

takte takte rah tumhaari nain hamare haar gae

Dub gaya har ek kinara biraha ke andhiyaron mein

bich bhanwar mein chhoD ke nayya tum kit khewan-haar gae

man se man ka sauda kar ke jiwan ka sukh chhin liya

tum jhuTe sauda gar nikle jhuTa kar bewpar gae

palkon par jal dip jala kar nain bichhe hain rahon mein

aa jao pardesi baalam tum jite hum haar gae

nain milae the to rakhte laj bhi nain milane ki

nain chura kar kyun birhan ke tir kaleje mar gae

mang meri sindur ko tarse nainan tarsen kajal ko

ruTh ke mujh se sang tumhaare sare haar singar gae

sahil se Takra-Takra kar nayya apni Dub gai

manzil pa kar manzil khoi jit ke bazi haar gae

nainan jadu Dar ke kis ke rup ne tum ko bharmaya

kis bairan ke bas mein aae kis sautan ke dwar gae