تاریک یاد زلف میں سارا جہان ہے

تاریک یاد زلف میں سارا جہان ہے

پیچیدگی زمیں سے تا آسمان ہے

پیہم سجود نے مجھے کافر بنا دیا

ماتھے پہ گویا سجدۂ بت کا نشان ہے

شوخی سے بے حجاب ہوا ہے کسی کا حسن

اے دل سنبھل کہ آج تیرا امتحان ہے

اس رخ پہ کئی اداؤں سے لہرا رہی ہے زلف

آپس کی چھیڑ چھاڑ میں شب درمیان ہے

ان کویلوں پہ ٹوٹ پڑا کیوں نہ آسماں

صحرا کا خار خار میرا راز داں ہے

ولیؔ خیال لعل تباں کا اثر نہ پوچھ

اب دل پہ ایک قطرۂ خوں کا گمان ہے