کافی آوو سکھی سہلیو مل مسلت گوئے

کافی آوو سکھی سہلیو مل مسلت گوئے

آپو آپنی گل نوں بھر ہنجھو روئے

کھڈے لالچ لگیاں میں عمر گوائی

کدے نہ پونی ہتھ لے اک تندڑی پائی

چرکھا میرا رنگلا بہہ گھاڑو گھڑایآ

ایویں پرانا ہو گی وچ کچھے دھریا

کتن ول نہ آئیو نہ چکھن کسیدا

کدے نہ بیٹھی نٹھ اپنی کری نیوا دیدہ

نال کچجیا بیٹھ کے کوئی چج نہ لیتا

عمر گوائی کھڈے وچ کوئی کم نہ کیتا

کراں کپاہوں وٹیاں تے کنوں بورا

لاڈاں وچ نہ ہویا کوئی کمڈا پورا

کتن ویل نہ آیا نہ چکی چولا

وچ گروری ڈب اپنی میں سبھ کچھ بھلا

کوئی کم نہ سکھیا جے سہہ نوں بھاواں

ویلا ہتھ نہ آں ہن پچھتاواں

ملیں نی امبڑی میرئے میں روئی ہاوے

اہ سہو تھا سہنا مینوں نظر نہ آوے

میں بھرواسا آد دا نت ڈردی آہی

جھاتی اک نہ پائآ میں بھٹھ ویاہی

آپنے مندے حال نوں نہ ملے سہو دیئ نہ ڈھوئی

جانی مانی بیٹھ اپنی رل مسلت چائی

جھبدے کاڈو ڈولڑی ہن ڈل نا کائی

پل دی ڈل نہ لاوندے اہ کھرے سیانے

ہن کی ہوندا اکھیا رو پچھتانے

اک ول رووے آمبڑی تے بابل میرا

اچنچیتے آیا سانوں جنگل ڈیرا

چیک چہاڑا پئے گیا وچ رنگ مہلی

روون جاری ہو ریہا ہن سبھنی ولی

رل مل آپ سہیلیاں مینوں پکڑ چلایآ

جوڑا پکڑ سہانڈا میرے گل پایآ

ڈولی میری رنگلی لے آگے آئے

باہوں پکڑ چلایآ لے باہر دھائے

کڈ لے چلے ڈولڑی کس کرے پکارا

ہوئی نمانی میں چلی کوئی وس نہ چارا

امبڑ سبھے تے بھینے تے سبھے سہیاں

اک اکلی چھڈ اپنی مڑ گھر نوں گئآں

ہن کیوں اپنی بیٹھیو گل پی پیارے

اہ گنونتا بہت ملیں اسیں آوگنہارے

نا کچھ داج نا روپ ملیں نا گن ملیں پلے

آپنے سر پرقطرہ آ بنی اسیں اک اکلے

جنی گنی سہو منوں منوں سو گن ناہیں

رو وے جیا موریا کر کھلیاں باہیں

نا ہتھ بادھا گاننا نا وٹنا لایآ

جیور پیریں پاے اپنی میں ٹھمک نہ چلی

کوڑی گلیں لگ اپنی میں ساہ تھو بھلی

نا نک بیسر پائآ نا کنی جھمکے

نا سر مانگ بھرائآ نا متھے دھمکے

نا گل ہار ہمیل ہیٹھ نا مندری چھلا

آہر تتی دا ہو رہا کوئی ڈھنگ اولا

باجو بند نا بندھیا نہیں کنگن پائے

وکھت وہانا کی کراں نی میریے مئے