بہار طیبہ کے منظر ہمیں رلاتے ہیں

بہار طیبہ کے منظر ہمیں رلاتے ہیں

جو لمحے طیبہ میں گزارے وہ یاد آتے ہیں

سنہری جالیوں کے سامنے ادب سے کھڑے

غلام آپ کے اپنے دلوں کو بھاتے ہیں

میں بار بار پکاروں گا پھر بلا لیجیے

کہ آپ مجھ سے نکموں کو بھی نبھاتے ہیں

شمار میرا بھی ان حاجیوں میں کر دیجیے

کہ جن کو آپ شہا در پہ اب بلاتے ہیں

ہو مجھ پہ چشم عنایت میرے غریب نواز

کہ اک جہاں کو شہا آپ ہی کھلاتے ہیں

لحد میں کاش حضور آپ کے ہی جلوے ہوں

کہ آپ آئیں تو پھر سب اجالے آتے ہیں

شہا بوقت نزع بھی کرم ہو عابدؔ پر

کہ اس نکمے کے غم آپ ہی مٹاتے ہیں