آنکھوں میں آئے وارث دل میں سمائے وارث

آنکھوں میں آئے وارث دل میں سماے وارث

تیرے لیے ٹھکانے کیا کیا بنائے وارث

یوسف کا اے زلیخا تو نام بھی نہ لیتی

تو مبتلائے لیلیٰ ہم مبتلائے وارث

خاک شفا سے بہتر کحل البصر سے بڑھ کر

اکسیر عاشقوں کی ہے خاک پائے وارث

اے آفتاب محشر محشر سے مت ڈرا تو

سایہ فگن ہے ہم پر ظل ہمائے وارث

اب ڈوبتی ہے اپنی بحر الم میں کشتی

کیوں کر نہ یاس سے میں چلاؤں ہائے وارث

اصغرؔ کی یہ تمنا بر آئے یا الٰہی

دل کو نثار وارث جاں ہو فدائے وارث