علی کے عشق کا بیمار بیمارِ محمد ہے
دلچسپ معلومات
منقبت در شان حضرت علی مرتضیٰ (نجف۔عراق)
علی کے عشق کا بیمار بیمارِ محمد ہے
علی کا چاہنے والا طلب گارِ محمد ہے
علی کی گفتگو واللہ گفتارِ محمد ہے
علی المرتضیٰ کی دید دیدار محمد ہے
زمانہ جانتا ہے آپ نے کیا کیا نہیں پایا
کسی نے بھی نہیں پایا جو پایا آپ نے پایا
حسین ابن علی کے سر پہ ہے اللہ کا سایا
گدائے کوچۂ شبیر دلدارِ محمد ہے
سخی ایسے کہ جن پر خود سخاوت ناز کرتی ہے
امام ایسے کہ جن پر خود امامت ناز کرتی ہے
شہید ایسے کہ جن پر خود شہادت ناز کرتی ہے
جو سچ پوچھو تو یہ دربار دربارِ محمد ہے
مٹے ایسے کہ مٹ کر پھر شجاعت زندہ کر ڈالی
حمیت زندہ کر ڈالی صداقت زندہ کر ڈالی
رسولِ پاک کی اعظمؔ شریعت زندہ کر ڈالی
اسے کہتے ہیں عاشق یہ وفادارِ محمد ہے
- کتاب : کلیاتِ اعظم چشتی
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
