صبح_عرفاں کا اجالا بزم_وحدت کا چراغ

صبح عرفاں کا اجالا بزم وحدت کا چراغ

مصحف رخ معرفت توحید کا شاداب باغ

اے شہنشاہ ولایت اے امام المتقیں

تیری چوکھٹ ہی سے ملتا ہے حقیقت کا سراغ

رہبری ہے کام تیرا اے امام سالکاں

کام تھا اوروں کا مولیٰ صرف تبلیغ و بلاغ

بزم کن میں کھیل الفت کا رچا کر خود بنا

عشق کا بے تاب دل اور حسن کا اونچا دماغ

اپنا بھی بلبل چہک کر کہہ رہا ہے یا علی

عکس تیرا ہی دکھاتا ہے ہمیں یہ دل کا داغ

جو بھی اپنا حال ہو کاوشؔ ہمیں کچھ غم نہیں

پی چکے ہیں بادۂ حب علی کا ہم ایاغ