تیرے در کا گدا لے کے کاسہ شہا ہے کھڑا آج تیرے یہ دربار میں

تیرے در کا گدا لے کے کاسہ شہا ہے کھڑا آج تیرے یہ دربار میں

تیری رحمت کا صدقہ مجھے بھی ملے ہے کمی کون سی تیری سرکار میں

اپنے دامن میں کوئی بھی نیکی نہیں تیری رحمت کا ہے آسرا بس ہمیں

عاصیوں پر خطاؤں کی بحر خدا لاج رکھ لینا محشر کے بازار میں

عاشقو آ گیا شہر سرکار کا دیکھنا اونچی آواز نہ ہو کہیں

آنسوؤں کی زباں لے کے افسانہ غم کہو کملی والے کی سرکار میں

کیوں فدا ان پہ ماہ تاباں نہ ہو کیوں نہ خورشید آقا پہ قربان ہو

جبکہ ہے جلوہ گر نور رب العلا کملی والے محمدؐ کے انوار میں

گائے جا گیت تو اپنی سرکارؐ کے اپنی سرکارؐ کے اپنے غم خوار کے

وہ نیازیؔ ہیں عالم کے حاجت روا ان کا ثانی نہیں کوئی سنسار میں