حریم_قدس کے پردے اٹھا دیے تم نے

حریم قدس کے پردے اٹھا دیے تم نے

جو راز حق تھے ہمیں وہ بتا دیے تم نے

زلال توبہ نے داغ گنہ کو صاف کیا

سیہ قلوب جو تھے جگمگا دیے تم نے

کبھی جو کھل نہ سکے تھے کسی سے عالم میں

وہ راز ہائے حقیقت بتا دیے تم نے

زمانے بھر میں اخوت کی لہر دوڑ گئی

وہ ساز ہائے محبت بجا دیے تم نے

پھر ان دلوں میں جمی گرد معیصت نہ کبھی

جو آب رحمت حق سے دھلا دیے تم نے

جو لے کے جائیں گے انساں کو سوئے خلد بریں

وہ زندگی کے نمونے دکھا دیے تم نے