ہمارے نبیؐ چاند ہیں چودھویں کا
ہمارے نبیؐ چاند ہیں چودھویں کا
یہ سارا اجالا ہے جلوہ انہیں کا
نبی کے صحابہ ہیں روشن ستارے
درخشاں ہوا راستہ جن سے دیں کا
ہیں بو بکر پہلے خلیفہ نبیؐ کے
صحابہ میں رتبہ ہے اعلیٰ انہیں کا
ہیں فاروق اعظم کی شان نرالی
بڑھایا ستاروں سے رتبہ زمیں کا
حیا میں نہیں کوئی عثماں سے بڑھ کر
فرشتوں کو ہے پاس اس شرمگیں کا
علی کو کیا راہ مسجد میں گھائل
جو داڑھی ہے رنگیں لہو ہے جبیں کا
ابو بکر و فاروق و عثمان و حیدر
یہ چاروں ہیں نقشہ رسول امیں کا
یہی پانچ اسلام کے پنجتن ہیں
کہ حق کی کسوٹی ہے اسوہ انہیں کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
