کس نے پیدا کئے سات_سات آسماں
کس نے پیدا کئے سات سات آسماں
اور کس نے بنایا یہ سارا جہاں
کس نے جنت میں نہریں بنائیں وہاں
اور کس نے بہائیں یہاں ندیاں
ایک اللہ نے ایک اللہ نے
کس نے پیدا کیے ہیں یہ شمس و قمر
اور کس نے بنائے یہ شام و سحر
کس نے پیدا کیے نونہال اور شجر
اور کس نے کھلائے یہ گل ہائے تر
ایک اللہ نے ایک اللہ نے
کوئی خالق ہے اس کے سوا اور بھی
کیا یہاں اور وہاں ہے خدا اور بھی
ہے کہیں کوئی حاجت روا اور بھی
ہے کوئی درد دکھ کی دوا اور بھی
ایک اللہ ہے ایک اللہ ہے
خلق کر کے ہوا عرش پر مستوی
اختیار اس کا ہر شے کو ہے محتوی
اس کی قدرت سے باہر نہیں ہے کوئی
سب کے سب زار و عاجز ہیں لیکن قوی
ایک اللہ ہے ایک اللہ ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
