اے شراب_عشق تیرا فلسفہ کچھ اور ہے

اے شراب عشق تیرا فلسفہ کچھ اور ہے

خم کے منبر پر علی کا مرتبہ کچھ اور ہے

جس جگہ دیکھو انہیں ثابت قدم ہی پاؤ گے

یہ خدائے لم یزل کا آئینہ کچھ اور ہے

آپ ہیں مولود کعبہ آپ ہیں جان رسولؐ

صحن کعبہ سے جو پھیلی وہ ضیا کچھ اور ہے

اس لیے ہم گامزن راہ علی پر ہو گئے

ہیں فنا یہ دو جہاں راہ بقا کچھ اور ہے

دیکھ کر شان علی دنیا کو یہ کہنا پڑا

یہ خدائے لم یزل کا آئینہ کچھ اور ہے

آج بھی خیبر تڑپ کر کہہ رہا ہے اے نظرؔ

طاقت شیر خدا مشکل کشا کچھ اور ہے