اے صدرِ ایوانِ رسل وی شمعِ بزمِ انبیا

اے ایوان رسول کے صدر عالی مقام اور انبیاء کی محفل میں روشن شمع ،آپۖ سلطنت کے مینار کا روشن سورج اور تخت خدا کے لۓ جمشید بادشاہ کی طرح ہیں۔

آپۖ کا نام طہ و یسین ہے اور آپۖ کا کام انا فتحنا کی آیت کے مصداق فتح ہے، قرآن یعنی جو کلام حق کا پیغام ہے وہ آپۖ کی ہی با برکت خلقت کے سبب ہے۔

سورج آپۖ کے تل کی وجہ سے روشن اور فرشتوں کا نور آپ کے چہرۂ انور سے ہے، واللیل اور موسی علیہ السلام کا وصف اور والضحی آپۖ کے جمال کی مدح ہیں۔

آپۖ کا نام محمد،احمد اور محمود ہے، آپۖ کا مزہب ہمیشہ باقی رہنے والا زندہ و جاوید ہے اور ابوالقاسم آپۖ کا معطر و پاکیزہ نام ہے۔

مرحبا لولاک کے محبوب کی آمد-آمد ہے، بس ہوشمند و بلند و بالا اور اس جہان کی مقدس ترین ذات کی آمد ہے کہ آپۖ پر ہماری جانیں قربان ہوں۔

انسان (آدم) کے دل کا نور اور ہر زخم کا مرحم آپۖ کی ذات اقدس ہے،تمام عالم کے حاجت روا اور دردمندوں کے درد کی دوا فقط آپۖ کی سرشت ہے۔

ہماری شان و شوکت اور جاہ و حشم آپۖ ہی سے ہے اور ہماری پشت پناہی بھی آپ ہی ہیں، ہمارے مددگار و سفارشی آپۖ ہیں کہ ہمارا کام آخرش تمام ہوا۔

کیونکہ احمد جام کے گناہ لامحدود ہیں اس لۓ اے سرفراز و کامران آپۖ بارگاہ حق سے اس فقیر کے جرم و گناہ کے لۓ سفارش کیجۓ۔